સર્વવિરતિનું પ્રવેશદ્વાર ઉપધાન તપ

ઉપધાન તપ નિયમાવલી

1. ૧. દરેક વિધિ – અનુષ્ઠાનો ગુરુભગવંતોની આજ્ઞા મુજબ કરવાનાં રહેશે.
2. ૨. ઉપધાન તપના પ્રવેશની ક્રિયામાં જોડાતા પૂર્વે આરાધકે પ્રતિક્રમણ, પડિલેહણ તથા જિનપૂજા કરવાની રહેશે.
3. ૩. ૧૦ વર્ષની ઉપરની બહેનોએ સાડી કે ચણિયાચોળી પહેરવાં તથા માથે ઓઢવાનું ફરજિયાત રહેશે.
4. ૪. નાના બાળકોને અથવા મોટા ભાઈઓને સિવેલા વસ્ત્રો પહેરી શકાશે નહીં.
5. ૫. દરરોજ સવાર-સાંજ પ્રતિક્રમણ, પ્રવચન, દેવવંદન તથા અન્ય સામૂહિક આરાધનાઓમાં સાથે રહેવાનું રહેશે.
6. ૬. નિયમિત દવાઓ તથા ડૉક્ટરની ફાઈલ સાથે રાખવી.
7. ૭. સામાન જરૂર મુજબ જ લાવવો. બિનજરૂરી સામાન તથા જોખમી દાગીનાઓ સાથે લાવવા નહીં.
8. ૮. ઉપધાન તપમાં કોઈ પણ સમયે લુંગી, બરમુડા, ગાઉન તથા અભદ્ર વસ્ત્રો પહેરવાની સખ્ત મનાઈ છે.
9. ૯. ઉપધાન તપ દરમ્યાન ઘડિયાળ, મોબાઈલ વગેરે ઉપકરણો વાપરી શકાશે નહીં. સ્પીકર ફોન પર પણ અન્યના મારફતે વાતચીત થઈ શકશે નહીં.
10. ૧૦. ઉપધાન પ્રવેશના દિવસે શ્રીફળ, માળ વાળાને ૨.૫ કિલો ચોખા, બાકીનાને ૬૫૦ ગ્રામ ચોખા, સાડાબાર રૂપિયા વગેરે આયોજકો આપશે માટે લાવવા નહીં.
11. ૧૧. આરાધકોએ યથાવશ્યક વસ્ત્રો સાથે લાવવા. ઉપધાન તપમાં પ્રવેશ બાદ જરૂર પડે તો ત્રણ દિવસ સુધી જ નવું વસ્ત્ર લઈ શકાશે, તે પછી લઈ શકાશે નહીં.
12. ૧૨. ઉપધાન તપ માટે જરૂરી ઉપકરણો જેવા કે ચરવળો, કટાસણું, મુહપત્તિ આદિ આરાધકે સાથે લઈને આવવાનું રહેશે, જેની યાદી સંમતિપત્રમાં આપવામાં આવશે.
13. ૧૩. અઢારિયું, અટ્ઠાવીશું તથા પાંત્રીસુંના તમામ આરાધકોએ પૌષધ પારવાના દિવસે તથા માળના આરાધકોએ પૌષધ પારવાના દિવસે તેમ જ માળના દિવસે એમ બંને દિવસોએ રાત્રિ પૌષધ ફરજિયાતપણે ઉપધાન મંડપમાં જ કરવાનો રહેશે. માટે બહારગામથી પધારતા આરાધકોએ જવાની વ્યવસ્થા તે રીતે જ કરાવવી.
14. ૧૪. પ્રથમ પ્રવેશમાં ઉપધાનમાં માળની આરાધનામાં જોડાનારનો બહાર નીકળવાનો દિવસ પોષ સુદ ૧૦, ૨૦૮૩, તા. ૧૮ જાન્યુઆરી, ૨૦૨૭ ના દિવસે થશે.